თბილისის N117 საჯარო სკოლის მე-2 კლასელებმა, დამრიგებელ მაია ბურდულის ხელმძღვანელობით, დაუვიწყარ ლიტერატურულ სამყაროში იმოგზაურეს და საყვარელი საბავშვო მწერლის, ასტრიდ ლინდგრენის დაბადების დღე განსაკუთრებულად აღნიშნეს.
ბავშვები გაეცნენ მწერლის ბიოგრაფიასა და შემოქმედებას, ნახეს და მოისმინეს საინტერესო პრეზენტაცია, თავად კი საყვარელი პერსონაჟების როლი მოირგეს - პეპი გრძელწინდა, კარლსონი და სხვა ზღაპრული გმირები საკლასო ოთახში გაცოცხლდნენ.
„ეს დღე მხოლოდ მხიარული და დასამახსოვრებელი შეხვედრა არ ყოფილა IIბ კლასისთვის - ის კიდევ ერთი ნაბიჯია ბავშვებში წიგნის სიყვარულის, კითხვის მოტივაციისა და წარმოსახვის განვითარებისკენ. მინდა, თითოეულმა მათგანმა აღმოაჩინოს, რომ წიგნი საოცარი სამყაროს კარია, რომლის მიღმაც უამრავი თავგადასავალი და ჯადოსნური ამბავი ელოდება.
ვკითხულობთ, ვოცნებობთ და ერთად ვქმნით დაუვიწყარ მოგონებებს!“,- აღნიშნავს პედაგოგი მაია ბურდული და მოსწავლეებს წიგნის სიყვარულს შთააგონებს.
იხილეთ ვიდეო:
