თბილისის N117 საჯარო სკოლაში მოსწავლის ბრწყინვალე წარმატებით ხარობენ.

სკოლის მე-10^გ კლასის მოსწავლემ, ნანა ბოცვაძემ წარმატებით გაიარა საკმაოდ რთული და მრავალეტაპიანი შესარჩევი კონკურსი და მსოფლიოს ერთ-ერთი ყველაზე პრესტიჟული სამეცნიერო პლატფორმის ნიუ-იორკის მეცნიერებათა აკადემიის (The New York Academy of Sciences) – „Junior Academy“-ს 2026-2027 სასწავლო წლის ნაკადის წევრი გახდა

The Junior Academy არის უდიდესი საერთაშორისო პლატფორმა და გლობალური პროგრამა, სადაც მოხვედრა უმკაცრეს კონკურენციას უკავშირდება.

ყოველწლიურად მსოფლიოს ასობით ქვეყნიდან ათასობით STEM მიმართულებით დაინტერესებული მოსწავლე აგზავნის განაცხადს, უდიდესი კონკურენციის ფონზე კი აპლიკანტებიდან მხოლოდ საუკეთესოთა შერჩევა ხდება.

სწორედ ეს მკაცრი კონკურსი გაიარა წარმატებით მე-10 კლასელმა ნანა ბოცვაძემ და შეუერთდა საერთაშორისო გუნდს, სადაც გლობალურ მენტორთან და მსოფლიოს სხვადასხვა კუთხეში მცხოვრებ თანატოლებთან ერთად იმუშავებს ისეთ თანამედროვე გამოწვევასა და სამეცნიერო პროექტზე, როგორიცაა BrainTech (ტვინ-კომპიუტერის ინტერფეისები და ნეიროტექნოლოგიები).

აღსანიშნავია, რომ BrainTech-ზე მუშაობენ მსოფლიოს წამყვანი კვლევითი ცენტრები. ამ მიმართულებით პროექტებზე მუშაობა (მაგალითად, Junior Academy-ს ფარგლებში) ნიშნავს წვდომას უახლეს AI ალგორითმებთან, ნეირობიოლოგიურ მონაცემებთან და რეალურ გამოწვევებთან, რომლებიც მომავლის მედიცინასა და ტექნოლოგიებს ჩამოაყალიბებს.