ქართულ-ამერიკული უმაღლესი სკოლის მოსწავლეები საქართველოს ახალგაზრდა მეცნიერთა საერთაშორისო ფორუმზე - ESE 2026 წარადგენენ. 

საქართველოს ნაკრები, რომელიც ქართულ-ამერიკული უმაღლესი სკოლისა (GAHS) და ვაკის ქართულ-ამერიკული უმაღლესი სკოლის (GAHSV) მოსწავლეებით არის დაკომპლექტებული, 18 ოქტომბერს იტალიის ქალაქ მანტუაში გაემგზავრა.

ფორუმზე მოსწავლეები წარადგენენ სამეცნიერო ნაშრომებს სამ ძირითად მიმართულებაში: გარემო და ეკოსისტემები; ფუნდამენტური და გამოყენებითი მეცნიერებები; ინჟინერია, კომპიუტერული მეცნიერება და რობოტიკის გამოყენება.

საერთაშორისო სამეცნიერო ფორუმში საქართველოს სახელით მონაწილეობენ -  ნია ლომიძე, ქრისტინე ცხადაბერიძე, დავით ბიწაძე, ალექსანდრე ჩხეტიანი, ნია კიკალია, დავით დუმბაძე და ანა იოსებიძე.

ქართულ-ამერიკული უმაღლესი სკოლა დეტალურ ინფორმაციას გვიზიარებს:

„18 ოქტომბერს, საქართველოს ნაკრები, რომელიც ქართულ-ამერიკული უმაღლესი სკოლის (GAHS) და ვაკის ქართულ-ამერიკული უმაღლესი სკოლის (GAHSV) მოსწავლეებითაა დაკომპლექტებული, ჯგუფის ორ ლიდერთან ერთად იტალიაში, ქალაქ მანტუაში გაემგზავრა.

ჩვენი გუნდი მონაწილეობს ESE 2026 - ახალგაზრდა მეცნიერთა საერთაშორისო ფორუმში, სადაც მოსწავლეები საკუთარ სამეცნიერო ნაშრომებს სამ ძირითად მიმართულებაში წარადგენენ:

• Environment and Ecosystems;
• Pure and Applied Sciences;
• Engineering, Computer Science, and Robotics Applications.

საქართველოს სახელით საერთაშორისო სამეცნიერო ასპარეზზე იასპარეზებენ:  ნია ლომიძე, ქრისტინე ცხადაბერიძე, დავით ბიწაძე, ალექსანდრე ჩხეტიანი, ნია კიკალია დავით დუმბაძე და ანა იოსებიძე.

ვუსურვოთ ჩვენს მოსწავლეებს წარმატება, ახალი აღმოჩენები, საინტერესო გამოცდილება და შთამბეჭდავი შედეგები!“,- აღნიშნავენ სკოლაში.