ხელვაჩაურის მუნიციპალიტეტის სოფელ ქვემო მახოს საჯარო სკოლის დირექცია და პედაგოგები მოსწავლეთა ჩართულობას სხვადასხვა კონკურსსა თუ საგანმანათლებლო ღონისძიებაში ახალისებენ.

ახლახან, ქვემო მახოს საჯარო სკოლის მე-5 და მე-6 კლასების მოსწავლეებისგან შედგენილმა გუნდმა, მონაწილეობა მიიღო ქართული ენისა და ლიტერატურის კონკურსის პირველ ტურში, რომელიც ერგის საჯარო სკოლაში გაიმართა. გუნდს კაპიტანი იყო მეხუთე კლასის მოსწავლე საბა მახარაძე. კონკურსი დაწყებითი საფეხურის მოსწავლეებისთვის მიეწყო. მოსწავლეებს შემოქმედებითი დავალება ჰქონდათ შესასრულებელი - მოცემული ტექსტის გაგრძელება და მისთვის შესაბამისი სათაურის შერჩევა, რასაც წარმატებით გაართვეს თავი. 

როგორც სკოლაში აღნიშნავენ, მსგავსი აქტივობები ხელს უწყობს მოსწავლეებში ფანტაზიის, შემოქმედებითი აზროვნების, წარმოსახვისა და წერითი უნარების განვითარებას.

„ვულოცავ, ჩემს მოსწავლეებს ამ მნიშვნელოვან გამოცდილებას და ვუსურვებთ წარმატებებს, შემდეგ ეტაპზე“,- აღნიშნავენ სკოლაში. 

იხილეთ ფოტოები და ვიდეო