ჩოხატაურის მუნიციპალიტეტის სოფელ იანეულის საჯარო სკოლაში მოსწავლის - მათე კალანდაძის შემოქმედებამ იზეიმა.
მე-9 კლასში გაიმართა „პოეზიის ხუთი წუთი“ - შეხვედრა, სადაც, როგორც სკოლაში გვეუბნებიან, სიტყვები გრძნობებად იქცა, ფიქრები კი ლექსებად აჟღერდა.
მოსწავლემ მათე კალანდაძემ თანაკლასელთან ეკატერინე მგალობლიშვილთან ერთად საკუთარი შემოქმედება წარმოადგინა და თავისი შინაგანი სამყაროს კარი გააღო.
„პოეზია - სულის ხმა და გულის ფიქრი
ამ ლამაზ დღეს ჩვენი კედლის გაზეთიც მიეძღვნა ახალგაზრდა შემოქმედის პოეტურ სამყაროს - იმ გულწრფელ სიტყვებს, რომლებშიც სიყვარული, რწმენა და მშობლიური სოფლის სითბო ცოცხლობს.
რადგან პოეზია იქ იწყება, სადაც გული სათქმელს ლექსად აქცევს!“,- გვიყვებიან სკოლაში.
ღონისძიებას ხელმძღვანელობდა ქართული ენისა და ლიტერატურის მასწავლებელი მარიამ ონიანი.
იხილეთ ფოტოები:
