მესტიის მუნიციპალიტეტის სოფელ ყარ-სგურიშის საჯარო სკოლაში სპორტისა და ჯანსაღი ცხოვრების წესის პოპულარიზაციას მნიშვნელოვანი ყურადღება ექცევა, ამ მიზნით კი არაერთი ღონისძიება იმართება. 

ახლახან, ყარ-სგურიშის საჯარო სკოლაში სპორტის მასწავლებლის - ლაშა ჩხეტიანის ხელმძღვანელობით, გაიმართა სპორტულ-გასართობი შეჯიბრი - „მხიარული სტარტები“.

დაწყებითი და საბაზო საფეხურის მოსწავლეებისგან დაკომპლექტდა ორი გუნდი - „მგლები“ და „ლომები“.

ბავშვები ერთმანეთს სხვადასხვა სპორტულ თამაშში შეეჯიბრნენ, იაქტიურეს და შესაძლებლობები წარმატებით წარმოაჩინეს. 

გამარჯვება მოიპოვა გუნდმა - „მგლები“. 

„შეჯიბრმა მხიარულად ჩაიარა“,- აღნიშნავენ სკოლაში და ახარებთ მოსწავლეთა მონდომება. 

იხილეთ ფოტოები: