ახალქალაქის მუნიციპალიტეტის სოფელ კიროვაკანის საჯარო სკოლის დირექტორ პეტროს აკოპიანისთვის სასწავლო წლის წარმატებული დასაწყისი, პირველ რიგში, მომზადებულ სასკოლო გარემოსა და მოსწავლე-მასწავლებელთა მოტივირებას უკავშირდება. 

სკოლის ხელმძღვანელის თქმით, მოსწავლისთვის სწავლა მაშინ იქცევა სიხარულად, როდესაც პედაგოგი ინოვაციურ აქტივობებს მიმართავს და ცოდნას რეალურ ცხოვრებას უკავშირებს.

პეტროს აკოპიანი etaloni.ge-სთან ბლიც-ინტერვიუში გვიზიარებს საკუთარ ხედვას როგორ უნდა დაიწყოს სასწავლო წელი წარმატებით, რას უნდა დაეფუძნოს კარგი გაკვეთილი და როდის იქცევა სწავლა მოსწავლისთვის ნამდვილ სიხარულად.

- სასწავლო წლის დასაწყისში ყველაზე მნიშვნელოვანია...

- მოსწავლეთა და მასწავლებელთა ხალისიანი განწყობა, სკოლის მზაობა და პროდუქტიული შემართება. 

- გაკვეთილის დაგეგმვისას პირველ რიგში ვფიქრობ...

- რამდენად გასაგები და საინტერესო იქნება მოსწავლეებისათვის ჩემს მიერ მიწოდებული ინფორმაცია. 

- გაკვეთილი მაშინ არის წარმატებული, როდესაც...

- მოსწავლე გისმენს, ესმის და აქტიურად ერთვება საგაკვეთილო პროცესში. 

-  ჩემი იდეალური გაკვეთილი იწყება...

- მოსწავლეების ინტერესის გამოხატვით, აქტიურობითა და ჩართულობით. 

-მოსწავლეებში ინტერესის გასაღვიძებლად ვიყენებ...

- მრავალფეროვან აქტივობებსა და რესურსებს. 

- მოსწავლეს ყველაზე მეტად უხარია, როდესაც...

- აღიარებ მის შესაძლებლობებსა და მოტივაციას უმაღლებ. 

- სწავლა ნამდვილ სიხარულად იქცევა, როდესაც...

- ინოვაციურ აქტივობებს იყენებს პედაგოგი, ზრუნავს მოსწავლეთა განათლებაზე და ხელს უწყობს ამ განათლების გამოყენებას.