თბილისის N142 საჯარო სკოლის პედაგოგი ეკატერინე ტაბატაძე ბრიუსელში eTwinning-ის შემაჯამებელ კონფერენციას დაესწრო.
საერთაშორისო საგანმანათლებლო თანამშრომლობა, გამოცდილების გაზიარება და მომავლის სკოლისთვის ახალი იდეების შექმნა - სწორედ ამ მიზნებს ემსახურებოდა ბრიუსელში მიმდინარე eTwinning-ის შემაჯამებელი კონფერენცია, რომლის დელეგატადაც თბილისის N142 საჯარო სკოლიდან ინგლისური ენის მენტორი მასწავლებელი ეკატერინე ტაბატაძე იყო მიწვეული.
კონფერენცია - „Future Ready Schools“ მიეძღვნა მომავლის სკოლის კონცეფციის განვითარებას.
„კონფერენციის მთავარი მიზანია - მომავლის სკოლის კონცეფციის შემუშავება: სკოლა, რომელიც მოსწავლეებში ავითარებს კრიტიკულ აზროვნებას, შემოქმედებითობას, თანამშრომლობას. ახალი იდეები, საინტერესო შეხვედრები, გამოცდილების გაზიარება“,- აღნიშნავენ სკოლაში.
კონფერენციაში მონაწილეობა მნიშვნელოვანი შესაძლებლობაა ახალი საგანმანათლებლო იდეების გასაცნობად, გამოცდილების გასაცნობად და საუკეთესო პრაქტიკის გასაზიარებლად.
სკოლაში ახარებთ პედაგოგის ჩართულობა საერთაშორისო ღონისძიებაში და მას შემდგომ წარმატებას უსურვებენ.
იხილეთ ფოტოები:
