კუჭატნის საჯარო სკოლის მოსწავლეებმა მშვიდობის სიმბოლოდ ხე დარგეს და საერთაშორისო დღე საინტერესო აქტივობით აღნიშნეს
24-09-2026
ყვარლის მუნიციპალიტეტის სოფელ კუჭატნის საჯარო სკოლა საერთაშორისო ინიციატივას შეუერთდა და მოსწავლეებს მშვიდობის მნიშვნელობა შეახსენა.
სკოლამ Peace Circle Network-ის ინიციატივის ფარგლებში, 21 სექტემბერს, მშვიდობის საერთაშორისო დღე აღნიშნა.
მოსწავლეებმა მშვიდობის სიმბოლოდ ხე დარგეს და მასზე განათავსეს ფრაზები და სიტყვები, რომლებიც ამ მნიშვნელოვან დღეს უკავშირდება. მათ შორის - მშვიდობა, სიყვარული, მეგობრობა, ერთიანობა და ურთიერთპატივისცემა.
„ეს აქტივობა კიდევ ერთხელ გვახსენებს, რომ მშვიდობა იწყება თითოეული ჩვენგანის პატარა, მაგრამ მნიშვნელოვანი ნაბიჯით. დავრგოთ მშვიდობის ხე და გავზარდოთ უკეთესი მომავალი ერთად!“,- აღნიშნავენ სკოლაში და მოსწავლეებს საგნებთან ერთად ღირებულებებს ასწავლიან.
იხილეთ ფოტოები:
სკოლების სიახლეები
