განსაკუთრებული საჩუქარი მოსწავლეებს სკოლის კურსდამთავრებულმა გაუგზავნა.
სკოლის კურსდამთავრებულმა, ზაქრო გვიშიანმა მოსწავლეებს უსახსოვრა მაისურები, რომლებზეც სკოლის სახელი და ორბელის ციხის გამოსახულებაა დატანილი.
საჩუქარმა მოსწავლეები განსაკუთრებით გაახარა.
სკოლაში კურსდამთავრებულს ყურადღებისა და ბავშვებისთვის სიხარულის მინიჭებისთვის მადლობას უხდიან.
„უღრმესი მადლობა მინდა გადავუხადო ორბელის საჯარო სკოლის სახელით, სკოლის ღირსეულ კურსდამთავრებულს ბატონ ზაქრო გვიშიანს, რომელმაც დღეს საოცარი საჩუქარი გამოუგზავნა ჩვენს მოსწავლეებს, მაისურები წარწერითა და ჩვენთვის საამაყო ორბელის ციხის სურათით. ეს იყო დღევანდელი დღის ნამდვილი სიურპრიზი. მადლობა ზაქრო ჩვენი ბავშვების გახარებისათვის“,- აღნიშნავენ სკოლაში და ახარებთ, რომ კურსდამთავრებულები არ ივიწყებენ მშობლიურ სკოლას.
იხილეთ ფოტო:
