დავით რიჟამაძის სახელობის მრავალპროფილიანი საშუალო სკოლა „ივერიაში“ სასწავლო წელი საზეიმოდ დაიწყო.
დირექცია და პედაგოგები მოსწავლეთა სკოლაში დაბრუნებას დიდი სიყვარულით ელოდნენ და ყველაფერი გააკეთეს, რომ ბავშვებისთვის პირველი სასწავლო დღე დღესასწაულად ექციათ.
პირველ სასწავლო დღეს სკოლაში მოსწავლეთა საზეიმო მიღება გაიმართა.
ბავშვებს დღე გაუმხიარულეს ანიმატრებმა, მათ მოსწავლეები სხვადასხვა სახალისო აქტივობაში ჩართეს, რის შემდეგაც პირველკლასელებს კლასებში მოსიყვარულე და მზრუნველი პედაგოგები შეუძღვნენ.
სკოლის დირექტორმა ნინო გერგიძე-რიჟამაძემ მოსწავლეებს, მათ მშობლებსა და პედაგოგებს დიდი მიმართა და წარმატებული და საინტერესო სასწავლო წელი უსურვა. პირველკლასელებს კი საინტერესო საგანმანთლებლო თავგადასავალებით გაჯერებულ სასწავლო წელს დაჰპირდა.
„ივერიელებო“ გილოცავთ ახალი სასწავლო წლის დაწყებას ყველას – მოსწავლეებს, მშობლებს, პედაგოგებს. გისურვებთ, რომ ეს წელი ყოფილიყოს მშვიდობიანი და წარმატებების მომტანი თითოეული ჩვენთაგანისათვის.
განსაკუთრებით ვეფერებით და ვულოცავთ სასწავლო წლის დაწყებას ჩვენს პირველკლასელებს, რომლებმაც დღეს პირველად შემოაღეს ჩვენი სკოლის კარი. ბედნიერ და წარმატებულ მომავალს ვუსურვებთ ჩვენს პატარებს
სკოლა ,,ივერია” - ჩვენ საქართველოს მომავალი ვართ!“,- აღნიშნა დირექტორმა.
იხილეთ ფოტოები:
