კერძო სკოლა „ინტელექტის“ მოსწავლე-მასწავლებლებმა 2026-2027 სასწავლო წელი დიდი შემართებითა და დიადი სასწავლო მიზნებით დაიწყეს.

დირექცია და პედაგოგები მოსწავლეთა დასახვედრად საგანგებოდ მოემზადნენ და ყველაფერი გააკეთეს, რომ ბავშვებისთვის 15 სექტემბერი დღესასწაულად ექციათ. 

გაიმართა მოსწავლეთა საზეიმო მიღება, გაიშალა წითელი ხალიჩა, მოირთო და გალამაზდა სასკოლო სივრცე, მოეწყო მრავალფეროვანი შემეცნებითი თუ სახალისო აქტივობები.

მოსწავლეებმა წითელ ხალიჩაზე ამაყად გაიარეს და წიგნიერების სამყაროში სიხარულით შეაბიჯეს. 

„ახალი სასწავლო წელი იწყება იქ, სადაც ცოდნა მომავალს ქმნის.

2026-2027 სასწავლო წლის პირველი დღე კერძო სკოლა „ინტელექტში“ ახალი მიზნებით, ახალი შესაძლებლობებითა და განსაკუთრებული მოლოდინით დაიწყო.

ჩვენი მთავარი მიზანია, თითოეულ მოსწავლეს მივცეთ ცოდნა, რომელიც დაეხმარება საკუთარი გზის შექმნაში.

იწყება კიდევ ერთი წელი - ახალი აღმოჩენების, გამოწვევების, მიღწევებისა და მნიშვნელოვანი ნაბიჯების.

კეთილი იყოს თქვენი მობრძანება ჩვენს გარემოში“,- მიმართავენ მოსწავლეებს სკოლაში და საგანმანათლებლო თავგადასავალებით სავსე სასწავლო წელს ჰპირდებიან. 

იხილეთ ვიდეო: