კასპის მუნიციპალიტეტის სოფელ ქვემო ხანდაკის საჯარო სკოლა პირველი ზარი საზეიმოდ დაირეკა.
მოსწავლეთა დასახვედრად მასწავლებლები განსაკუთრებულად მოემზადნენ - მოირთო და მოიკაზმა საკლასო ოთახები.
დაწყებითი კლასის მასწავლებელმა, ლალი მურადაშვილმა ახალი სასწავლო წლისთვის პატარებს ტრადიციულად „ფერადი“ დახვედრა და გამორჩეული სიურპრიზი მოუწყო.
შთამბეჭდავი სანახავია საზეიმოდ მორთული საკლასო ოთახი, თითოეული მოსწავლისთვის გამზადებული საჩუქრები.
„ჩემო ძვირფასო და საყვარელო მოსწავლეებო,
გილოცავთ ახალი სასწავლო წლის დაწყებას! ძალიან მიხარია, რომ ხვალ კვლავ შევხვდებით ერთმანეთს და გავიგებთ რაღაც ახალს, საინტერესოს, გავუზიარებთ ერთმანეთს ემოციას.
მინდა, რომ ეს წელი თქვენთვის ძალიან საინტერესო, მხიარული და წარმატებული იყოს. , ტრადიციულად, პატარა სიურპრიზი ისევ მოგიმზადეთ - ზღაპრების წიგნი, მისალოცი ბარათი და გაკვეთილების ცხრილი.
იმედი მაქვს, ზაფხულში კარგად დაისვენეთ და ახალი ძალებით შეხვდებით ახალ სასწავლო წელს!“,- მიმართა მოსწავლეებს სწავლის დაწყების წინ პედაგოგმა.
იხილეთ ფოტოები:
