ასობით პედაგოგი და სპეციალისტი გადამზადდება - სტრატეგიის დოკუმენტი გამოქვეყნდა
31-08-2026
2026-2027 წლების სამოქმედო გეგმა სკოლებში დასაქმებული სხვადასხვა კატეგორიის სპეციალისტების პროფესიული კომპეტენციების განვითარებას ითვალისწინებს - აღნიშნულის შესახებ საკანონმდებლო მაცნეზე გამოქვეყნებულ დოკუმენტში ვკითხულობთ.
2027 წლის IV კვარტლისთვის ეროვნული სასწავლო გეგმით გათვალისწინებული საგნების მასწავლებლების, სპეციალური მასწავლებლებისა და ინკლუზიური განათლების დამხმარე სპეციალისტების კომპეტენციების განვითარებაა დაგეგმილი.
განახლებული ტრენინგმოდულებით გადამზადდება:
- ეროვნული სასწავლო გეგმით გათვალისწინებული საგნების, მათ შორის დაწყებითი საფეხურის, 1 500 მასწავლებელი;
- 500 სპეციალური მასწავლებელი;
- ინკლუზიური განათლების 1 000 დამხმარე მხარდამჭერი სპეციალისტი;
- სკოლების ადმინისტრაციის 150 წარმომადგენელი.
სკოლების სიახლეები
