„დღეს ერთიანი ეროვნული გამოცდების შედეგებმა კიდევ ერთხელ გვაჩვენა, რომ შრომას, მონდომებასა და ცოდნას თავისი ჯილდო აუცილებლად მოჰყვება. 

 

ჩვენი სკოლის კურსდამთავრებულებმა სტუდენტობის ახალი ეტაპისკენ გადადგეს ნაბიჯი. ისინი ჩაირიცხნენ უმაღლეს საგანმანათლებლო დაწესებულებებში! 

 

ეს მხოლოდ მათი წარმატება არ არის - ეს არის მათი მშობლების სიამაყე, მასწავლებლების მრავალწლიანი შრომის შედეგი და ჩვენი სკოლის კიდევ ერთი ღირსეული გამარჯვება. ჩვენ მათ სკოლაში ვასწავლიდით ფორმულებს, წესებს, თეორიებსა და ცოდნას, მაგრამ ყველაზე მნიშვნელოვანი, რაც გვინდოდა მათთვის გვესწავლებინა, იყო ოცნების დასახვა, შრომა და საკუთარი შესაძლებლობების რწმენა.

 

დღეს ისინი სკოლის კარს უკვე კურსდამთავრებულების სტატუსით ტოვებენ, მაგრამ ჩვენთვის ყოველთვის დარჩებიან იმ ბავშვებად, რომელთა თითოეული ნაბიჯი, წარმატება და გამარჯვება გულწრფელად გვეამაყება. 

 

გილოცავთ, ჩვენო კურსდამთავრებულებო! - თქვენი დღევანდელი წარმატება თქვენი ახალი გზის დასაწყისია. გისურვებთ, რომ სტუდენტობის წლებმა კიდევ უფრო დიდი მიზნები დაგისახოთ, ცოდნამ თავისუფლება მოგიტანოთ, შრომამ წარმატება, ხოლო თქვენსმა ოცნებებმა - ფრთები.

 

იფრინეთ თამამად - თქვენი სკოლა ამაყად გიყურებთ! 

 

თქვენი წარმატება ჩვენი სკოლის წარმატებაა“, - აღნიშნულია სკოლის მისალოც ტექსტში.