სალხინოს სკოლის მასწავლებლებისა და მოსწავლეებისთვის ერთიანი ეროვნული გამოცდების შედეგები განსაკუთრებით საამაყო აღმოჩნდა - თათია ხანთაძე და ლუკა ცხვარაძე სტუდენტები გახდნენ.

სკოლის ადმინისტრაცია და პედაგოგები ახალგაზრდებს წარმატებულ სტუდენტობას უსურვებენ:

„ჩვენო კურსდამთავრებულებო, გილოცავთ სტუდენტობას! ეს არის ახალი, საინტერესო და მნიშვნელოვანი ეტაპი თქვენს ცხოვრებაში... ირწმუნეთ საკუთარი შესაძლებლობების და გახსოვდეთ, უამრავი წარმატება გელით! ჩვენ გვჯერა თქვენი!“ - აღნიშნულია სკოლის მილოცვაში.

სალხინოს სკოლაში მყარად სჯერათ, რომ თათია და ლუკა, უნივერსიტეტშიც დიდი მონდომებით გააგრძელებენ სწავლას და კიდევ ბევრჯერ ასახელებენ მშობლიურ სკოლას.