„სიამაყითა და სიხარულით გილოცავთ სტუდენტობას!“ - ალპანის საჯარო სკოლის დირექტორი კურსდამთავრებულებს სასურველ უმაღლესებში ჩარიცხვას ულოცავს
25-08-2026
ცაგერის მუნიციპალიტეტის სოფელ ალპანის საჯარო სკოლა ამაყობს კურდამთავრებულებით, რომლებმაც წარმატებით ჩააბარეს ერთიანი ეროვნული გამოცდები და სასურველ უმაღლეს საგანმანათლებლო დაწესებულებებში ჩაირიცხნენ.
სკოლის დირექტორი მაია ჩაჩხიანი ქეთის, გიორგისა და ლუკას სტუდენტობას ულოცავს და აღნიშნავს, რომ ეს წარმატება მათი დაუღალავი შრომისა და მიზანდასახულობის შედეგია.
„სამი კურსდამთავრებული, სამი აბიტურიენტი, სამი სტუდენტი - სხვა რა უნდა ისურვოს სკოლამ!
ჩემო ქეთი, გიორგი, ლუკა, თქვენ ხართ ჩვენი გონიერი, მიზანდასახული მოსწავლეები, რომლებმაც ცხოვრების პირველი სერიოზული გამოცდა ბრწყინვალედ ჩააბარეთ, სიამაყითა და სიხარულით გილოცავთ სტუდენტობას!
ნამდვილად, დაუღალავ შრომას და მიზანდასახულობას ყოველთვის მოაქვს სასურველი შედეგი. წინ გელოდებად გამოწვევევით სავსე, მაგრამ საინტერესო, თავგადასავლებითა და დიდი გამარჯვებებით სავსე სტუდენტური წლები. გჯეროდეთ, თქვენ მუდამ დარჩებით ალპანის სკოლის სკოლის საამაყო მოსწავლეებად! გამარჯვებებით გევლოთ!“ - აღნიშნულია დირექტორის მიერ გავრცელებულ მისალოც ტექსტში.
სკოლების სიახლეები
