ზოგადი განათლების დაფინანსების მოდელში ცვლილებები შევიდა, რომელიც ითვალისწინებს საჯარო სკოლების გაზრდილი ვაუჩერის ფორმირების წესს​.

გაზრდილი ვაუჩერი ყოველთვიურად დაემატება ბაზისურ დაფინანსებას კონკრეტული მიზნობრიობით და ეს თანხები მოხმარდება მასწავლებელთა ანაზღაურებას - თითოეული პედაგოგისა და სპეციალური მასწავლებლის თანამდებობრივი სარგოს დაფინანსებას; ფუნქციურ დანამატებს - წამყვანი და მენტორი მასწავლებლების/სპეციალური მასწავლებლების ფუნქციური დანამატის ხარჯების დაფარვას; საპენსიო შენატანს - „დაგროვებითი პენსიის შესახებ“ კანონის შესაბამისად, დასაქმებულზე გასაცემი დასაბეგრი ხელფასის 2%-ის ოდენობით საპენსიო ფონდში გადარიცხვას.

გაზრდილი ვაუჩერი კი დაიანგარიშება სხვადასხვა საბაზო, გაზრდილი ვაუჩერებისა და დაფინანსებების დაჯამებით, მინისტრის მიერ დადგენილი წესითა და ოდენობით.

ცვლილება შეეხო ასევე კადეტთა სამხედრო ლიცეუმის, სადაც მე-9-დან მე-12 კლასის ჩათვლით ერთ მოსწავლეზე გათვლილი სტანდარტული ვაუჩერი და შესაბამისი კოეფიციენტები მოსწავლეთა საერთო რაოდენობის მიხედვით გადანაწილდა.

დოკუმენტი სრულად იხილეთ ბმულზე.