ქობულეთის წმინდა კირიონ II-ის სახელობის სკოლა-გიმნაზიაში საზაფხულო ბანაკი ღონისძიებით გაიხსნა, რომელიც პატრიარქ ილია II-ის ხსოვნას მიეძღვნა
19-08-2026
ქობულეთის წმინდა კირიონ II-ის სახელობის სკოლა-გიმნაზიაში საზაფხულო ბანაკი საზეიმოდ გაიხსნა. ღონისძიებას ბათუმისა და ლაზეთის მიტროპოლიტი, მეუფე დიმიტრი დაესწრო.
ბანაკის გახსნის ღონისძიება მიეძღვნა სრულიად საქართველოს კათოლიკოს-პატრიარქის, უწმინდესისა და უნეტარესის, ილია II-ის ნათელ ხსოვნას. ღონისძიებამ კიდევ ერთხელ წარმოაჩინა იმ სულიერი და ეროვნული ფასეულობების მნიშვნელობა, რომლებიც მომავალ თაობებს პასუხისმგებლობის, სიყვარულის, ურთიერთპატივისცემისა და სამშობლოს ერთგულების სულისკვეთებით ზრდის.
მეუფე დიმიტრის მობრძანებამ განსაკუთრებული სულიერი დატვირთვა შესძინა ამ მნიშვნელოვან დღეს. მისმა სიტყვებმა ახალგაზრდებს რწმენის, განათლებისა და ზნეობრივი ღირებულებებისკენ მოუწოდა, ხოლო ღონისძიება ერთიანობის, სითბოსა და კეთილგანწყობის ატმოსფეროში წარიმართა.
ღონისძიების ღირსეული მონაწილეები კირიონ II-ის სახელობის სკოლა-გიმნაზიის მოსწავლეები იყვნენ, რომლებმაც თავიანთი მონდომებით, პასუხისმგებლობითა და შემოქმედებითი აქტიურობით ამ დღეს განსაკუთრებული შინაარსი და სილამაზე შესძინეს.
სკოლების სიახლეები
