მონაწილე ჭიათურელ სპორტსმენებს მიღწეული შედეგისთვის მუნიციპალიტეტის მერიისგან სიმბოლური საჩუქრები გადაეცათ. ახალგაზრდების მხარდაჭერა და მათი შესაძლებლობების განვითარების ხელშეწყობა მუნიციპალიტეტის ერთ-ერთი მნიშვნელოვანი მიმართულებაა, რაც სპორტსმენებისთვის წარმატების მისაღწევად საჭირო გარემოს შექმნას ემსახურება.

 

ასევე, 30 ივნისს გაიმართა ცნობილი ჭიათურელი მოკრივეების, თენგიზ ჯაოშვილისა და სპარტაკ ასანიძის ხსოვნისადმი მიძღვნილი კრივის ღია ტურნირის ფინალური შეხვედრა, რომელშიც გიორგი გაფრინდაშვილმა თავის წონით კატეგორიაში პირველი ადგილი დაიკავა.

 

ტურნირში საქართველოს 16 ქალაქიდან 100-ზე მეტი სპორტსმენი მონაწილეობდა. გამარჯვებული მოკრივები პრიზებით, შესაბამისი ხარისხის მედლებით და დიპლომებით დაჯილდოვდნენ.

გიორგი გაფრინდაშვილის სპორტული მიღწევები ჭიათურის N2 საჯარო სკოლისთვის განსაკუთრებით საამაყოა. მისი წარმატება კიდევ ერთხელ აჩვენებს, რამდენად მნიშვნელოვანია ახალგაზრდებისთვის მიზნის დასახვა, შრომა და საკუთარი შესაძლებლობების განვითარებაზე ზრუნვა.

ჭიათურის N2 საჯარო სკოლა გულითადად ულოცავს გიორგის მიღწეულ გამარჯვებებს და უსურვებს ახალ წარმატებებს, ღირსეულ ასპარეზობასა და კიდევ არაერთ მნიშვნელოვან სპორტულ მიღწევას!