ნინოწმინდის მუნიციპალიტეტის სოფელ სპასოვკის N1 საჯარო სკოლაში მოსწავლეთა ჩართულობა სხვადასხვა სპორტულ ღონისძიებაში წახალისებული და მხარდაჭერილია, მათი მიღწევები კი საამაყო. 

3-4 აგვისტოს, ნინოწმინდის მუნიციპალიტეტის სოფელ ეშტიაში ჩატარდა შეჯიბრი მინი ფეხბურთში 13 წლამდელთა ასაკის  ჭაბუკებში,  სადაც სპასოვკის N1 საჯარო სკოლის მოსწავლეებმა წარმატებით იასპარეზეს და ღირსეული გამარჯვება მოიპოვეს. 

სკოლაში ახარებთ მოსწავლეთა მონდომება და მათ წარმატების ახალი მწვერვალების დაპყრობას უსურვებენ. 

„ვულოცავთ, მასწავლებელსა და მოსწავლეებს ღირსეულ გამარჯვებას და წარმატებებს ვუსურვებთ სამომავლოდ!“,- აღნიშნავენ სკოლაში.