ქუთაისის N37 საჯარო სკოლის კურსდამთავრებულებმა ერთიანი ეროვნული გამოცდები წარმატებით ჩააბარეს. სკოლაში მათ გულმხურვალედ გულშემატკივრობდნენ დღეს კი მათი შედეგებით ხარობენ.
განსაკუთრებით აღსანიშნავია, ლუკა ბერიძისა და გიორგი ბუბუტეიშვილის წარმატება.
ლუკა ბერიძემ, ეროვნულ გამოცდაზე, ინგლისურ ენაში უმაღლესი 70 ქულიდან 69 ქულა დაიმსახურა.
გიორგი ბუბუტეიშვილმა კი 70-დან 65 ქულა მოიპოვა.
სკოლის დირექცია და პედაგოგები კურსდამთავრებულებს წარმატებას ულოცავენ და სასურველ უმაღლეს სასწავლებლებსა და საგანმანათლებლო პროგრამებზე ჩაბარებას უსურვებენ.
„სამაგალითო და წარმატებული კურსდამთავრებულები! ვამაყობთ თითოეული თქვენი წარმატებით. წინ დიდი და ბრწყინვალე გზაა! წარმატებული და ბედნიერი სტუდენტობა გქონოდეთ!“,- აღნიშნავენ სკოლაში.
შეგახსენებთ, რომ ერთიანი ეროვნული გამოცდების ყველა საგნის წინასწარი შედეგები უკვე ცნობილია, დღეს კი გამოცდების შეფასებასთან დაკავშირებით საპრეტენზიო განაცხადების მიღება სრულდება.
იხილეთ ფოტოები:
