„მუდამ წარმატებული გზებით გევლოთ“- მშვიდობაურის საჯარო სკოლიდან საბაზო საფეხურის კურსდამთავრებულები ღონისძიებით გააცილეს
29-07-2026
ოზურგეთის მუნიციპალიტეტის სოფელ მშვიდობაურის საჯარო სკოლაში სასწავლო წლის მიწურულს საბაზო საფეხურის მოსწავლეთა გამოსაშვები ღონისძიება გაიმართა.
საბაზო საფეხურის წარმატებით დასრულების აღსანიშნავად სკოლაში საზეიმო ღონისძიება გაიმართა, რომელმაც სკოლაში საოცარი ემოციები დაატრიალა.
ღონისძიება მრავალფეროვანი, საინტერესო და სახალისო პროგრამით წარიმართა. მოსწავლეებმა გაიხსენეს სკოლაში გატარებული წლები და დაუვიწყარი მოგონებები, მადლობა გადაუხადეს დირექციასა და პედაგოგებს მათ განათლებაში ჩადებული შრომისა და ამაგისთვის.
მასწავლებლებმა კი მოსწავლეებს გზა დაულოცეს და ცოდნის მწვერვალების დაპყრობა და ბედნიერი მომავალი უსურვეს.
„ძვირფასო ბავშვებო ! გილოცავთ საბაზო საფეხურის დასრულებას! მუდამ წარმატებული გზებით გევლოთ“,- აღინიშნა სკოლაში.
იხილეთ ფოტოები:
სკოლების სიახლეები
