თბილისის N79 საჯარო სკოლის მოსწავლეებისთვის სასწავლო წლის მიწურულს შთამბეჭდავი სასწავლო-შემეცნებითი ექსკურსია მოეწყო. 

X^ა კლასის მოსწავლეები, დამრიგებელ მარიკა ლაბაძის ხელმძღვანელობით, ქუთაისს ესტუმრნენ. 

მოსწავლეებმა მოინახულეს მოწამეთას მონასტერი, სათაფლიის ნაკრძალი, გელათის მონასტერი და ბაგრატის ტაძარი.

როგორც სკოლაში გვეუბნებიან, ექსკურსიის მიზანი იყო მოსწავლეთა ცოდნის გაღრმავება საქართველოს ისტორიულ-კულტურული მემკვიდრეობის შესახებ, ეროვნული ღირებულებების პატივისცემისა და შემეცნებითი ინტერესის გაძლიერება.

მოსწავლეებმა დიდი ინტერესით დაათვალიერეს ქუთაისის ღირსშესანიშნაობები, მიიღეს მნიშვნელოვანი ინფორმაცია და სასარგებლო გამოცდილება.

„ექსკურსია იყო საინტერესო, შინაარსიანი და ყველა მონაწილისთვის დასამახსოვრებელი“,- აღნიშნავენ სკოლაში.