ახალქალაქის მუნიციპალიტეტის სოფელ გომანის საჯარო სკოლაში 2025-2026 სასწავლო წელი მეტად საინტერესოდ წარიმართა - აქტიურად აღინიშნებოდა მნიშვნელოვანი თარიღები, იმართებოდა მრავალფეროვანი, სასწავლო-შემეცნებითი, სახალისო თუ საზეიმო ღონისძიებები, რაც მოსწავლეთა მოტივაციასა და მრავალმხრივ განვითარებას ემსახურებოდა.
რაღა თქმა უნდა, მოსწავლე-მასწავლებელთა ყურადღების მიღმა არ დარჩენილა ქართული ენის დღე, ამ განსაკუთრებულ და მნიშვნელოვან დღეს სკოლაში კვირეული მიეძღვნა. ქართული ენის დღისადმი მიძღვნილი საგანმანათლებლო დღეები საინტერესოდ, მოსწავლეთა მაღალი ჩართულობით წარიმართა.
კვირეულის ფარგლებში ჩატარდა სხვადასხვა სახის აქტივობები სამივე საფეხურზე:
- კალიგრაფიის კონკურსი;
- ხელნაკეთი წიგნების შექმნა;
- ვიდეორგოლი;
- პრეზენტაციის წარდგენა;
- დაჯილდოება.
მოსწავლეთა ნამუშევრები შეაფასა სპეციალურმა ჟიურიმ. მასწავლებელთა ჯგუფმა არ იცოდნა ნაშრომთა ავტორების ვინაობა. სწორედ ამ პრინციპით შეირჩნენ გამარჯვებულები. 3 მოსწავლე დაჯილდოვდა ნომინაციაში - „ჟიურის რჩეული” ნომინაციით, ხოლო დანარჩენ მოსწავლეებს, მონაწილეობისა და აქტიურობისთვის სიგელები მიენიჭათ.
იხილეთ ფოტოები:
