ტყიბულის N2 საჯარო სკოლაში მოსწავლეთა ბრწყინვალე სპორტული წარმატებით ხარობენ.
როგორც სკოლაში აღნიშნავენ, ოლიმპიზმის საერთაშორისო დღე ყოველთვის განსაკუთრებული სპორტული სულისკვეთებით გამოირჩევა, წელს კი ეს დღე ტყიბულის N2 საჯარო სკოლის სასკოლო საზოგადოებისთვის ორმაგად საამაყო და ემოციური აღმოჩნდა. სირბილში გამართულ სპორტულ შეჯიბრებაში, ტყიბულის მე-2 საჯარო სკოლის მოსწავლეებმა უბადლო შედეგები აჩვენეს, საუკეთესო მომზადების დონე გამოავლინეს და გამარჯვებულთა შორის დაიმკვიდრეს ადგილი.
ფოტოზე აღბეჭდილი დაჯილდოების ეს საზეიმო წამები იმ დიდი შრომისა და მონდომების შედეგია, რომელსაც ეს ახალგაზრდები ყოველდღიურად დებენ სპორტულ ცხოვრებაში. დაძაბული და საინტერესო რბოლის შედეგად:
- საპატიო პირველი ადგილი და ოქროს მედალი უპირობოდ მოიპოვა ანასტასია აბესაძემ, რომელმაც საოცარი სისწრაფე და გამარჯვებისკენ სწრაფვა აჩვენა;
- საპატიო მეორე ადგილი და ვერცხლის მედალი დაიკავა ანასტასია გრიგალაშვილმა, რომელმაც ფინიშის ხაზი მაღალი სპორტული ოსტატობით გადაკვეთა;
- ასევე, საპატიო მეორე ადგილი და ვერცხლის მედალი ხვდა წილად ალექსანდრე გელაძეს, რომელმაც ვაჟთა შორის ბრწყინვალედ იასპარეზა და სკოლას კიდევ ერთი მნიშვნელოვანი ჯილდო მოუტანა.
„ჩვენი სკოლის ადმინისტრაცია და პედაგოგიური კოლექტივი უდიდეს მადლობას უხდის ბავშვებს ამ დაუვიწყარი ემოციებისა და თავდადებისთვის. ეს გამარჯვება კიდევ ერთხელ უსვამს ხაზს იმას, თუ რამდენად დიდი ყურადღება ექცევა მე-2 საჯარო სკოლაში ჯანსაღი ცხოვრების წესის პოპულარიზაციასა და მოსწავლეთა ფიზიკურ განვითარებას. განსაკუთრებული მადლობა ეკუთვნით მათ მასწავლებლებსა და მწვრთნელებს, რომლებიც მუდმივად მხარში უდგანან ბავშვებს და ეხმარებიან საკუთარი პოტენციალის მაქსიმალურად გამოვლენაში.
ვულოცავთ ბავშვებს ამ ბრწყინვალე ტრიუმფს! სრულიად სასკოლო საზოგადოება ვამაყობთ თქვენით და გვჯერა, რომ ეს მხოლოდ დასაწყისია იმ დიდი და წარმატებული გზისა, რომელიც წინ გელით. კიდევ მრავალ გამარჯვებას გისურვებთ!“,- აღნიშნავენ სკოლაში.
