უმაღლესი განათლების შესახებ კანონში ცვლილებები შევიდა, რომელიც  უცხო ქვეყნის მოქალაქე/მოქალაქეობის არ მქონე პირის სტუდენტის სტატუსის შეჩერებას ეხება.

ცვლილების მიხედვით, სტუდენტის სტატუსი შეუჩერდება უცხო ქვეყნის მოქალაქე/მოქალაქეობის არმქონე პირს თუ იგი ერთი სასწავლო წლის განმავლობაში დასაგროვებელი მაქსიმალური კრედიტების ერთ მესამედზე მეტს ვერ დააგროვებს.

ასევე, თუ უცხო ქვეყნის მოქალაქეს/მოქალაქეობის არმქონე პირს შეუწყდა საქართველოში ყოფნის ვადა ან/და მის მიმართ მიღებულ იქნა საქართველოდან გაძევების შესახებ გადაწყვეტილება, უმაღლესი საგანმანათლებლო დაწესებულება უფლებამოსილია უცხო ქვეყნის მოქალაქეს/მოქალაქეობის არმქონე პირს სტუდენტის სტატუსი შეუწყვიტოს.