საქართველოს საპატრიარქოს წმიდა თამარ მეფის სახელობის სკოლა-გიმნაზიის მე-3 კლასელებისთვის სასწავლო წელი გასვლითი ღონისძიებით დაგვირგვინდა.
მე-3ბ კლასის მოსწავლეები, კლასის ხელმძღვანელის - ლია შარიქაძის ხელმძღვანელობით, შემეცნებით-გასართობ ექსკურსიით ბოლნისში გაემგზავრნენ.
მოსწავლეებმა მოილოცეს ბოლნისის სიონის ღვთისმშობლის მიძინების ტაძარი, მოიხიბლნენ უმნიშვნელოვანესი ქართული ხუროთმოძღვრული ძეგლის მშვენიერებით. შემდეგ მოინახულეს სულხან საბა ორბელიანის სახლ-მუზეუმი და დიდი ინტერესით დაათვალიერეს XIX-XX საუკუნეების ეთნოგრაფიული ნივთები, სულხან-საბას ცხოვრებისა და მოღვაწეობის ამსახველი ფოტომასალა, ხელნაწერები და მისი ნაწარმოებების სხვადასხვა გამოცემა.
ექსკურსია მოსწავლეებისთვის სასწავლო-შემეცნებითთან ერთად სახალისო და თავშესაქცევი აღმოჩნდა. ითამაშეს ბუნებაში და ემოციებით დატვირთულები დაბრუნდნენ უკან.
იხილეთ ფოტოები:
