ჩოხატაურის მუნიციპალიტეტის სოფელ შუასურების საჯარო სკოლაში ქრისტიანობის სახელმწიფო რელიგიად გამოცხადებიდან 1700 წლის იუბილესთან დაკავშირებით კვირეული გაიმართა. 

ლიტერატურული კვირეული, 15 ივნისიდან 19 ივნისამდე გაგრძელდა და არაერთი თემატური საგანმანათლებლო ღონისძიება გააერთიანა. 

კვირეულის - „ქრისტიანობის 1700 წელი“ ფარგლებში გაიმართა​ ლიტერატურულ-მუსიკალური კომპოზიცია - „მამული, ენა, სარწმუნოება“. 

კვრეულის მეოთხე დღე მიეძღვნა ქრისტიანული სარწმუნოების დამცველთა ღვაწლის წარმოჩენას.

შუშანიკი და აბო... მეფე დემეტრე თავდადებული და მღვდელი თევდორე... ცოტნე დადიანი, ევსტათი მცხეთელი და სამასი ლაზი მოწამე, 6000 გარეჯელი მორწმუნე თუ ჯალალ-ედინისაგან წამებული 100000 ქართველი...

როგორც სკოლაში გვეუბნებიან, ძალიან ბევრი მძიმედ მოსასმენი, მაგრამ საამაყო ისტორიები გადმოსცეს ბავშვებმა და არც საქართველოს პატრიარქის ილია II-ის სიტყვები დაივიწყეს: „ქართველნო, ერთად ღვთისაკენ!... ქართველი ხალხი ერთად უნდა ვიყოთ და ვაკეთოთ ღვთისა და ერის საქმე!“