ავთანდილ დეკანოიძის სახელობის ქალაქ ქუთაისის N32 საჯარო სკოლაში მოსწავლეთა წიგნიერების დონის ამაღლებას მნიშვნელოვანი ყურადღება ექცევა. პედაგოგები მოსწავლეებს წიგნის სიყვარულს დაწყებით კლასებიდანვე ასწავლიან.
სწორედ კითხვის ინტერესის გაღვივებას ემსახურება კითხვის კლუბის მუშაობა.
2 ივნისს, IIბ კლასის მოსწავლეებმა შეაჯამეს საკლასო კითხვის კლუბის მუშაობა და თანატოლებს მიულოცეს ბავშვთა დაცვის დღე.
მოსწავლეებმა წარმოადგინეს იტალიელი მწერლის - კარლო კოლოდის ზღაპარი „პინოკიოს თავგადასავალი“.
სპექტაკლში ნაჩვენები იყო ძირითადი და საკვანძო მომენტები, რომლებიც ზღაპრის მთავარ სათქმელს გადმოსცემდა - თუ გსურს ბედნიერი იყო, უნდა ისწავლო, იშრომო, სიმართლე თქვა, მეგობრები გაიჩინო, იზრუნო გარშემომყოფებზე და აკეთო ბევრი კეთილი საქმე.
კითხვის კლუბს პედაგოგი ელენე კოკელაძე ხელმძღვანელობს.
იხილეთ ფოტოები:
