გარდაბნის მუნიციპალიტეტის სოფელ სართიჭალის N3 საჯარო სკოლის მოსწავლეები პედაგოგთა მხარდაჭერითა და წახალისებით, აქტიურად მონაწილეობენ სხვადასხვა საგანმანათლებლო ღონისძიებაში.
მათ შორის მოსწავლეები აქტიურად შეუერთდნენ ეროვნულ სასახლეში გამართულ მოსწავლეთა 79-ე სასწავლო-კვლევით კონფერენციას.
კონფერენციის 10 სექციაში მონაწილეებმა წარადგინეს ნაშრომები მეცნიერების სხვადასხვა სფეროში.
სართიჭალის N3 საჯარო სკოლის ნორჩ ქიმიკოსთა წრის შვიდეულმა კონფერენციაზე ქიმიის სექციაში ფინალში იასპარეზა.
მოსწავლეთა ნაშრომმა დიდი მოწონება დაიმსახურა და საუკეთესოს წოდებაც დაიმსახურა.
მოსწავლეთა წარმატებით განსაკუთრებით ამაყია პედაგოგი ნინო სამხარაული:
„ჩემი ბრწყინვალე შვიდეული. საქართველოს მასშტაბით საუკეთესო ნაშრომების ავტორები და ფინალისტები. ქიმიის სექცია,მოსწავლეთა 79-ე სასწავლო-კვლევითი კონფერენცია!!!
მადლობა, ჩემს საუკეთესო შვიდეულს!“,- წერს პედაგოგი და კონფერენციიდან ფოტოკადრებს გვიზიარებს.
იხილეთ ფოტოები:
