
მესტიის მუნიციპალიტეტის სოფელ ჭუბერის საჯარო სკოლაში მოსწავლეთა ჩართულობა სხვადასხვა საგანმანათლებლო პროექტში წახალისებული და მხარდაჭერილია, მათი წარმატება კი საამაყო.
უკვე მე-3 წელია ჭუბერის საჯარო სკოლის მოსწავლეები აქტიურად მონაწილეობენ საგანმანათლებლო პროექტ „დიდგორელში“. ისტორიის კონკურსში მოსწავლეებმა წელსაც ბრწყინვალედ იასპარეზეს.
2026 წლის „დიდგორელის“ ფინალურ ტურში გადავიდნენ: ნია ცინდელიანი (მე-7 კლასის მოსწავლე), თამარ ცინდელიანი (მე-8 კლასის მოსწავლე) და ანა ნიგურიანი (მე-8 კლასის მოსწავლე).
წლევანდელი ფინალის გამარჯვებული, აბსოლუტური უპირატესობით, გახდა თამარ ცინდელიანი.
მერვე კლასის მოსწავლემ 65-ქულიან ტესტში მაქსიმალური 65 ქულა აიღო, სულ რაღაც 15 წუთში.
„ვულოცავთ თამარს და ისტორიის მასწავლებელს მაია ტვილდიანს ამ გამარჯვებას. მადლობას ვუხდით ჭუბერის სკოლის ასე ღირსეულად წარმოჩენისთვის“,- აღნიშნავენ სკოლაში და ახარებთ მოსწავლის წარმატება.
იხილეთ ფოტო-ვიდეომასალა: