დედოფლისწყაროს მუნიციპალიტეტის სოფელ არხილოსკალოს საჯარო სკოლის მოსწავლეებმა მე-4 კლასის წარმატებით დამთავრება ღონისძიებით აღნიშნეს.
„სიყვარული ამოძრავებს სამყაროს!“- სწორედ ამ დევიზით და უამრავი დაუვიწყარი ემოციით დაემშვიდობნენ მე-4 კლასელები პირველ მასწავლებელს და ნაყოფიერი ოთხი წელიწადი შეაჯამეს.
ბავშვებმა ლამაზი სანახაობა წარმოადგინეს, ბრწყინვალედ ითამაშეს სცენაზე და კიდევ ერთი ლამაზი საღამო აჩუქეს მაყურებელს.
დამრიგებელმა ლია აფციაურმა მე-4 კლასელებს გზა დაულოცა და უსურვა ასეთივე შემართებით გააგრძელონ სწავლა, ასახელონ სკოლა, სოფელი და ქვეყანა.
„უღრმესი მადლობა ყველას, ვინც ეს დღე ჩვენთან ერთად შექმნა: სკოლის დირექციას, მასწავლებლებს, სკოლის ყველა თანამშრომელს და რაღა თქმა უნდა, მშობლებს, რომელთა თანადგომას მუდამ ვგრძნობთ.
მხიარული და წარმატებული გზა, ჩემო საყვარელო ბავშვებო და კიდევ, ფერად, ემოციებით სავსე ზაფხულის დღეებს გისურვებთ!“,- აღნიშნავს პედაგოგი და ღონისძიების ვიდეომასალას გვიზიარებს.
