კასპის მუნიციპალიტეტის სოფელ წინარეხის საჯარო სკოლაში სხვადასხვა მნიშვნელოვან საკითხზე მოსწავლეთა ცნობიერების ამაღლებას მნიშვნელოვანი ყურადღება ექცევა. ამ მიზნით, 2025 -2026 წლის მანძილზე არაერთი აქტივობა თუ ღონისძიება გაიმართა.
მათ შორის, მუსიკის მასწავლებლის - მარინა სიხუაშვილის ხელმძღვანელობით, განხორციელდა პროექტი - „ბულინგი“, რომლის მიზანიც იყო მოსწავლეებს გაეაზრებინათ „ბულინგის“ არსი, გაეცნობიერებინათ ის რის-ფაქტორები რაც ჩაგვრას მოსდევს და აემაღლებინათ ცნობიერება საკითხის შესახებ.
პროექტის ფარგლებში მოეწყო ფილმის - „ზღარბი“ ჩვენება.
მოსწავლეებმა მოამზადეს პრეზენტაციები „ბულინგის“ შესახებ, ასევე მოამზადეს კედლის გაზეთი, რომლის შექმნაში მათ დაეხმარათ ხელოვნების მასწავლებელი მაია თხინვალელი.
X კლასის მოსწავლე ნია ქეშელაშვილმა კი დაამზადა ბუკლეტი. ბავშვებმა ხელოვნური ინტელექტის საშუალებით, შექმნეს ჰიმნი ბულინგზე და ჩაგვრა დაგმეს. ასევე შეისწავლეს და შეასრულეს სიმღერები მეგობრობაზე. ასევე, მე-3 კლასის მოსწავლეებმა გაითამაშეს თემატური სიტუაციები.
პროექტის დასასრულს კი მათ გადაეცათ სიმბოლური საჩუქრები.
იხილეთ ფოტოები:
