ქუთაისის N15 საჯარო სკოლაში 2025-2026 სასწავლო წელი მეტად ნაყოფიერად წარიმართა. პედაგოგები მიმართავდნენ სხვადასხვა სასწავლო მეთოდებს, მოსწავლეებს სთავაზობდნენ მრავალფეროვან გაკვეთილებსა და აქტივობებს, რაც მოსწავლეთა შესაძლებლობებზე აისახა.
სკოლის მე-9 კლასებში საგანი „სამხედრო საქმე“ სხვადასხვა გასვლითი აქტივობებით წარიმართა.
ამჯერად, საგნის მასწავლებლის - დავით გორდაძის თაოსნობით, მე-9ა (დამრიგებელი იზა თვალაბეიშვილი) და მე-9ბ (დამრიგებელი ირინე სურგულაძე) კლასების მოსწავლეები ესტუმრნენ ქუთაისის საბრძოლო დიდების ეროვნულ მუზეუმს, სადაც დაცულია ქართული საბრძოლო ხელოვნების ისტორიის ამსახველი მასალები, იარაღ-საჭურველი, ქუთაისელ ჯარისკაცთა ფოტოები, ჯილდოები, მიმოწერა და სხვა დოკუმენტები.
განსაკუთრებული ინტერესი გამოიწვია ეროვნულ-განმათავისუფლებელი მოძრაობის, აფხაზეთისა და 2008 წლის ომების ამსახველმა მასალებმა.
მუზეუმში სტუმრობა მოსწავლეებისთვის სასწავლო -შემეცნებითთან ერთად, სახალისო აღმოჩნდა. სკოლაში მე-9 კლასელები ახალი ცოდნითა და საინტერესო ინფორმაციით დახუნძლულნი დაბრუნდნენ.
იხილეთ ფოტოები და ვიდეო:
