ყვარლის N2 საჯარო სკოლის მე-4 კლასელებმა სასკოლო ცხოვრების ოთხი წელიწადი ღონისძიებით დააგვირგვინეს.
29 მაისს. მე-4ა კლასის შემაჯამებელი გამოსაშვები ღონისძიება გაიმართა.
მოსწავლეები დამსწრე საზოგადოების წინაშე მრავალფეროვანი საზეიმო სანახაობით წარდგნენ - გაიხსენეს განვლილი წლები, ასევე წარმატებით წარმოაჩინეს ამ წლების მანძილზე მიღებული ცოდნა და გამოცდილება და დიდი სიყვარულითა და გულთბილი სიტყვებით გამოემშვიდობნენ დაწყებითი საფეხურის მასწავლებლებს.
ბავშვებისთვის განსაკუთრებით ამაღელვებელი აღმოჩნდა დამრიგებელთან - ამალო ასაბაშვილთან გამომშვიდობება. პირველმა მასწავლებელმა მოსწავლეებს გზა დაულოცა და უსურვა ასეთივე შემართებით გააგრძელონ სწავლა, ასახელონ როგორც პედაგოგი, ისე სკოლა და ქვეყანა.
„ეს იყო ყველასთვის ძალიან ემოციური და დასამახსოვრებელი დღე“, - აღნიშნავენ სკოლაში.
იხილეთ ფოტო-ვიდეომასალა:
