ნინოწმინდის მუნიციპალიტეტის სოფელ ეშტიის N1 საჯარო სკოლის მე-6 კლასელები დაწყებით საფეხურს ღონისძიებით დაემშვიდობნენ.
მეექვსეკლასელებმა საბაზო საფეხურზე გადასვლა საზეიმოდ, განსაკუთრებულად მორთულ-მოკაზმულ გარემოში აღნიშნეს.
მოსწავლეებმა სასკოლო ცხოვრების მნიშვნელოვანი ეტაპი წარმატებით დაასრულეს. ახლა კი, სცენაზე თავიანთი ნიჭი მრავალმხრივ წარმოაჩინეს - წაიკითხეს ლექსები, იმღერეს და იცეკვეს. ლამაზი გამოსვლებით მათ მადლობა გადაუხადეს ყველა იმ პედაგოგს, რომელიც ამ წლების განმავლობაში მათ გვერდით იყო.
მშობელმა, ნაირა ქალაშიანმა, მადლობა გადაუხადა კლასის დამრიგებელს - ნინა მარიკიანს, მასწავლებლებსა და დირექციას ბავშვების სწავლა-განათლებაში ჩადებული უდიდესი ამაგისთვის.
სკოლის დირექტორმა - ბერნიკ ჰოვსეფიანმა, მიულოცა მოსწავლეებს დაწყებითი საფეხურის დასრულება, გადასცა სიგელები და განათლებით სავსე გზა უსურვა.
იხილეთ ფოტოები:
