
ხაშურის მუნიციპალიტეტის სოფელ ნაბახტევის საჯარო სკოლის მოსწავლეები ჭადრაკს დიდი ენთუზიაზმით სწავლობენ, ცოდნასა და შესაძლებლობებს კი სხვადასხვა კონკურსსა თუ საგანმანათლებლო ღონისძიებაში წარმოაჩენენ.
15 მაისიდან 5 ივნისის ჩათვლით, ესთეტიკა-ეთიკა-სპორტის კათედრაზე, ჩატარდა შიდასასკოლო შეჯიბრი ჭადრაკში, რომელშიც მონაწილეობდა 22 მოსწავლე.
მოსწავლეებმა წარმატებით იასპარეზეს და ცოდნა და შესაძლებლობები წარმოაჩინეს.
ადგილები შემდეგნაირად გადანაწილდა: მე-3 ადგილი გიორგი შუბითიძემ (მე-4კლ.) მოიპოვა, მე-2 ადგილზე ლევან მაისურაძე (მე-5კლ.) გავიდა, პირველი ადგილი კი ბარბარე ჩუბინიძეს (მე-4 კლ) ერგო.
მოსწავლეებს სპორტის პედაგოგმა ნიკოლოზ ფაფაკერაშვილმა სიგელები, მედლები და პრიზი გადასცა.
იხილეთ ფოტო-ვიდეომასალა: