ყვარლის მუნიციპალიტეტის სოფელ საბუეს საჯარო სკოლაში სასწავლო პროცესი გაჯერებულია საინტერესო საგანმანათლებლო ინიციატივებით, რაც მოსწავლეთა მრავალმხრივ განვითარებას ემსახურება.
ახლახან, სკოლის XI კლასის მოსწავლეებმა მუსიკაში წარმოადგინეს შთამბეჭდავი სასწავლო-შემოქმედებითი პროექტი სახელწოდებით - „ფიხონი“, რომელიც აერთიანებდა საინფორმაციო პრეზენტაციასა და მინი-სპექტაკლს.
როგორც სკოლაში გვეუბნებიან, სპექტაკლი იყო კულტურული მემკვიდრეობისა და თეატრალური ხელოვნების სინთეზი.
მინი-სპექტაკლმა, რომელიც ფილმ „ნატვრის ხის“ მოტივებზე შეიქმნა, კიდევ ერთხელ წარმოაჩინა მოსწავლეთა მრავალმხრივი ნიჭი.
პროექტმა დამსწრე საზოგადოების - მასწავლებლების, მოსწავლეებისა და სტუმრების - უდიდესი მოწონება და აღფრთოვანება დაიმსახურა.
„ვამაყობთ ჩვენი მეთერთმეტეკლასელებით, რომლებმაც შეძლეს, ასეთი სიზუსტითა და დიდი შემოქმედებითი უნარებით გაეცოცხლებინათ ქართული კლასიკა!“,- აღნიშნავენ სკოლაში და ახარებთ მოსწავლეთა სასწავლო შემართება.
პროექტის ორგანიზატორი გახლდათ პედაგოგი ნანა ზაალიშვილი.
იხილეთ ფოტოები:
