კასპის მუნიციპალიტეტის სოფელ წინარეხის საჯარო სკოლაში პროექტებით სწავლება წარმატებით მიმდინარეობს.
ახლახან, სკოლის X კლასის მოსწავლეებმა მუსიკის მასწავლებლის - მარინა სიხუაშვილის ხელმძღვანელობით, იმუშავეს სასწავლო პროექტზე - „ეროვნული იდენტობა ზაქარია ფალიაშვილის შემოქმედებაში“.
„ფალიაშვილის შემოქმედება აჩვენებს, რომ ეროვნული იდენტობა არ ნიშნავს იზოლაციას - პირიქით ტრადიციას თანამედროვე ძლიერ და უნივერსალურ ენაზე გადმოსცემს. ვფიქრობთ, დღეს ძალიან მნიშვნელოვანია ჩვენი კულტურული იდენტობის შენარჩუნება და გააზრება“,- აღნიშნავენ სკოლაში პროექტზე საუბრისას.
პროექტის ფარგლებში მოსწავლეებმა წარმოადგინეს პრეზენტაციები ფალიაშვილის შემოქმედების მიხედვით. ერთობლივად იმუშავეს კედლის გაზეთზე, ასევე მოსწავლეებმა უყურებს ფილმ- ოპერას - „დაისი“. ნია ქეშელაშვილმა კი მოამზადა ბროშურა სახელწოდებით - „ზ. ფალიაშვილი“.
როგორც სკოლაში გვეუბნებიან, პროექტზე მუშაობამ მოსწავლეებს შესძინა ჯგუფური მუშაობის, თანამშრომლობის, პრეზენტაციის უნარები. მათ კარგად გაიაზრეს, თუ რას ნიშნავს ეროვნული იდენტობა ზ. ფალიაშვილის შემოქმედებაში.
იხილეთ ფოტოები:
