თბილისის N28 საჯარო სკოლის მოსწავლეებისთვის საინტერესო, სასწავლო-შემეცნებითი გასვლითი ღონისძიება მოეწყო.
ბავშვთა დაცვის დღესთან დაკავშირებით, მე-3 კლასის მოსწავლეები, პედაგოგ ლია ცერცვაძის ხელმძღვანელობით, მიიწვიეს ილია ჭავჭავაძის ლიტერატურულ- მემორიალურ მუზეუმში.
მოსწავლეებმა ნახეს ილია ჭავჭავაძის ცხოვრებასა და მოღვაწეობასთან დაკავშირებული სხვადასხვა სახის მასალა: მემორიალური ნივთები, პირადი არქივები, მის მიერ შექმნილი ნაწარმოებების სხვადასხვა გამოცემა, აგრეთვე მისი შემოქმედებისა და ცხოვრება-მოღვაწეობისადმი მიძღვნილი ლიტერატურა: სამეცნიერო შრომები, მონოგრაფიები, სტატიები, ნარკვევები დოკუმენტური და ფოტომასალა, სახვითი ხელოვნების ნიმუშები და სხვა.
შემდეგ კი ბავშვები საგანმანათლებლო პროგრამას შუერთდნენ, დაათვალიერეს იქ წარმოდგენილი თოჯინები, ასევე ნახეს თოჯინური წარმოდგენა - „იხვის ჭუჭული“.
