ლაგოდეხის მუნიციპალიტეტის სოფელ კაბლის N1 საჯარო სკოლაში პროექტებით სწავლება წარმატებით მიმდინარეობს. სასწავლო მეთოდი მიმართულია მოსწავლეთა მრავალმხრივი განვითარებისკენ და მოსწავლეთა დიდი ინტერესით გამოირჩევა.
ახლახან, მე-11 კლასის მოსწავლეებმა გეოგრაფიის შესწავლისას, პედაგოგ სევინჯ ახვერდიევას ხელმძრვანელობით, საინტერესო პროექტზე იმუშავეს.
პროექტის თემა გახლდათ - „თანამედროვე ომები და მათი გავლენა მსოფლიოზე“.
მე-11 კლასის მოსწავლეებმა განიხილეს თანამედროვე კონფლიქტები, როგორიცაა რუსეთ-უკრაინას, ისრაელი-პალესტინის და ირან-ამერიკის ომები. მოსწავლეებმა შეისწავლეს ომების პოლიტიკური, ეკონომიკური, სოციალური და ჰუმანიტარული შედეგები რუკების, სტატისტიკური მონაცემებისა და პრეზენტაციების გამოყენებით.
პროექტების მთავარი მიზანია ახალგაზრდებში გლობალური პრობლემების გააზრება, ანალიტიკური აზროვნების განვითარება და მშვიდობის მნიშვნელობის წარმოჩენა.
იხილეთ ფოტოები:
