პროფესიული საგანმანათლებლო პროგრამების განმახორციელებელ დაწესებულებებში აპლიკანტთა შერჩევის პროცესი დაიწყო. 

2026 წელს პროფესიულ საგანმანათლებლო პროგრამებზე ჩარიცხვის მსურველთათვის  შერჩევის პროცესი 1 ივნისს დაიწყო და 22 ივნისის ჩათვლით გაგრძელდება.
 
შერჩევის პროცედურაში მონაწილეობის თარიღი, დრო და ადგილი აპლიკანტებისთვის ხელმისაწვდომი იქნება პროფესიული განათლების პორტალზე – vet.ge, სადაც ავტორიზაციის შემდეგ შეძლებენ საგამოცდო ბარათის ნახვას.
 
აღნიშნული ინფორმაცია მათ მოკლე ტექსტური შეტყობინების (SMS) საშუალებითაც მიეწოდებათ.

შერჩევის პროცესთან დაკავშირებულ საკითხებზე დამატებითი ინფორმაციის მიღება აპლიკანტებს შესაბამის საგანმანათლებლო დაწესებულებაში შეუძლიათ.