წალკის მუნიციპალიტეტის სოფელ დარაქოვის საჯარო სკოლის პირველკლასელებმა 2025-2026 სასწავლო წელი წარმატებით დაასრულეს.
სასწავლო წლის მიწურულს პატარებმა საანბანო ზეიმი მოაწყვეს.
„შენ, სომხური ასოები ლამაზად დაწერე
დღეიდან სამუდამოდ ჩემი ხარ... “- ეს სიტყვები გასდევდა ლაიტმოტივად ღონისძიებას, რომლის მიზანი პირველი სასწავლო წლის მიღწევების აღნიშვნა და ცოდნისა და შესაძლებლობების წარმოჩენა იყო.
გაიმართა პირველკლასელების დასკვნითი სპექტაკლი სახელწოდებით - „ცოდნის გასაღები“.
„ჩვენი პირველკლასელები უკვე გაიზარდნენ, ეზიარნენ მესროპ მაშტოცის დატოვებულ საგანძურს. მათ ხელთ აქვთ გასაღები სახელად „ანბანი“, რომელიც მეცნიერების სამყაროში სინათლით შეუძღვება“,-აღნიშნავენ სკოლაში და ახარებთ მოსწავლეთა სასწავლო მიღწევები.
ეს ლამაზი და შინაარსიანი ღონისძიება მასწავლებელმა შოღიკ სიმონიანმა მოაწყო. სკოლაში მას მადლობას უხდიან თავდადებისთვის, საქმის სიყვარულისა და მომავალ თაობაზე განსაკუთრებული ზრუნვისთვის.
იხილეთ ფოტოები:
