ჯემალ არძენაძის სახელობის ქობულეთის მუნიციპალიტეტის სოფელ ჩაქვის N2 საჯარო სკოლის მოსწავლეებმა აჭარის ავტონომიური რესპუბლიკის განათლებისა და სპორტის სამინისტროს ორგანიზებულ „ლიტერატურულ მარათონში“ ბრწყინვალედ იასპარეზეს.
ანანო ქათამაძე კონკურსის ფინალში საპატიო მესამე ადგილის მფლობელი გახდა. ლიზა დუმბაძე და ანასტასია დავითაძე - საუკეთესო 30 მონაწილეს შორის მოხვდნენ და სკოლა ღირსეულად წარადგინეს.
სკოლაში მოსწავლეთა წარმატებით ამაყობენ და მოსწავლეებს ახალი სიმაღლეების დაპყრობას უსურვებენ.
„ვულოცავთ ჩაქვის N2 საჯარო სკოლის მოსწავლეებს დიდ წარმატებას. სიამაყით გვინდა აღვნიშნოთ ჩვენი სკოლის მე-9 კლასის მოსწავლეების ბრწყინვალე მიღწევა აჭარის ავტონომიური რესპუბლიკის განათლებისა და სპორტის სამინისტროს მიერ ორგანიზებულ „ლიტერატურულ მარათონში“!
წიგნიერება და ლიტერატურის სიყვარული ის ძალაა, რომელიც მომავალს აშენებს. ვამაყობთ თითოეული თქვენგანით!“ ვულოცავთ გოგონებს, მათ მშობლებსა და პედაგოგებს ამ დიდ აღიარებას. ვუსურვებთ მათ კიდევ მრავალ გამარჯვებასა და დასახული მიზნების მიღწევას შემოქმედებით თუ საგანმანათლებლო გზაზე!“,- აღნიშნავენ სკოლაში.
იხილეთ ფოტოები:
