ავთანდილ დეკანოიძის სახელობის ქალაქ ქუთაისის N32 საჯარო სკოლის IV^ა კლასის (ხელმძღვანელი: სოფიო კვერნაძე) მოსწავლეებმა საკლასო კითხვის კლუბის მუშაობა შთამბეჭდავად შეაჯამეს. 

21 მაისს, მე-4 კლასელებმა, ლიტერატულ-მუსიკალური კომპოზიცია - „ხელოვნების ძალა“ გამართეს.

ღონისძიებამ არაერთი ლიტერატურულ-მუსიკალური ნომერი გააერთიანა და ატარებდა როგორც საგანმანათლებლო ისე შემოქმედებით ხასიათს. 

მოსწავლეებმა წარმოადგინეს ოთხი ზღაპარი გურამ პეტრიაშვილის - „პატარა ქალაქის ზღაპრებიდან“:

• „მსახიობი“;
• „ბალერინა“;
• „მხატვარი და თეთრი ჩიტები“;
• „მევიოლინე და პატარა ჩიტი“. 

ბავშვებმა როლები ოსტატურად მოირგეს და ლამაზი სანახაობა გამართეს. 

„თითოეული ზღაპარი იმედს გვაძლევს და ღონისძიების მთავარი სათქმელიც ეს იყო, რომ ხელოვნების ძალით - „სიკეთე მუდამ ენთება ბნელში“ და კეთილი ადამიანების სახელები ვარსკვლავების მსგავსად იბრწყინებს Every single day!“,- გვეუბნებიან სკოლაში და ახარებთ მოსწავლეთა მონდომება და შემოქმედებითობა. 

ღონისძიებას ორგანიზება გაუწია პედაგოგმა ელენე კოკელაძემ. 

იხილეთ ფოტოები: