მართალია სასკოლო ცხოვრება დასრულდა და მოსწავლეებს არდადეგები აქვთ, კარწახის საჯარო სკოლის მოსწავლეები საზაფხულო აქტივობებში მაინც დიდი ხალისით ჩართნენ. 

ორგანიზატორი ქართული ენის მასწავლებელი  თამარ კვინიკაძეა.  

ამ სახალისო გაკვეთილების მიზანი ქართული ენის პოპულარიზაციაა, რომელიც კარწახში მიმდინარეობს. მოსწავლეები ქართულ მოკლემეტრაჟიან მხატვრულ ფილმებს და მულტფილმებს უყურებენ, შემდეგ კი ნანახის შესახებ ქართულად საუბრობენ, არჩევენ და აანალიზებენ.

საინტერესოა მათ მიერ ქართულ ენაზე გამოთქმული მოსაზრებებიც. მოსწავლეები როლებს თავად ინაწილებენ და პერსონაჟებს ასახიერებენ. შედეგად, დრო ძალიან საინტერესოდ, ხალისიანად გადის და სასარგებლო საქმე კეთდება.

იხილეთ ფოტოები