მესტიის მუნიციპალიტეტის სოფელ მულახის საჯარო სკოლის მოსწავლეებმა საქართველოს დამოუკიდებლობის დღესთან დაკავშირებით, ბიბლიოთეკაში, ნამდვილი ისტორიული მოგზაურობა მოაწყვეს. 

I-IV კლასის მოსწავლეებმა საოცარი „დროის ხაზი“ გააცოცხლეს - იმოგზაურეს 100 წლის წინანდელ საქართველოში, გაიცნეს ეროვნული გმირები და გაიაზრეს, თუ რა დიდი ფასი აქვს თავისუფლებას.

​ცოდნის შეჯამება კი მხიარული ვიქტორინით გაგრძელდა. ბავშვები ორ გუნდად გადანაწილდნენ, კითხვებს სხარტად სცემდნენ პასუხებს, თითოეული სწორი პასუხისთვის კი საქართველოს პატარა დროშებს იღებდნენ.

„ძალზედ ემოციური, დაძაბული და გონივრული თამაში სიმბოლურად - ფრედ დასრულდა!  იმიტომ, რომ ჩვენმა პატარებმა ზუსტად იციან: მთავარი - „ძალა ერთობაშია!“,- გვეუბნებიან სკოლაში და ახარებთ მოსწავლეთა სასწავლო შემართება. 

​დღესასწაული ტკბილი ალაფურშეტითა და ბავშვების ბედნიერი ღიმილით დაგვირგვინდა.

„დ​იდი მადლობა თითოეულ მონაწილეს ჩართულობისთვის, დიდი ინტერესის გამოჩენისთვის და ჩვენი ქვეყნის სიყვარულისთვის“,- აღშნავენ სკოლაში. 

იხილეთ ვიდეო