მესტიის მუნიციპალიტეტის სოფელ მულახის საჯარო სკოლის პირველი და მე-2 კლასების მოსწავლეთა 2025-2026 სასწავლო წლის ბუნების ბოლო გაკვეთილი განსაკუთრებულად წარიმართა.
მოსწავლეებმა, პედაგოგთან ერთად, ისაუბრეს ოცნებებზე, მომავალ პროფესიებზე და იმაზე, თუ როგორ ადამიანებად უნდათ გაიზარდონ.
შემდეგ კი პატარა ჯადოსნობა მოხდა - მათი ფოტოები პედაგოგმა „მომავალში“ გადაიტანა და მოსწავლეებს აჩვენა, როგორები იქნებოდნენ 25 წლის ასაკში, როცა თავიანთ საოცნებო პროფესიებს დაეუფლებიან.
მოსწავლეთა ემოციებმაც არ დააყოვნა - სიხარული, გაოცებული თვალები და გულწრფელი ღიმილი, საოცარი სანახავი.
„დღევანდელი დღე კიდევ ერთხელ შეგვახსენებს, რომ ბავშვების ოცნებებს ყველაზე დიდი ძალა აქვს. გჯეროდეთ საკუთარი თავის, პატარებო თქვენი მომავალი აუცილებლად ნათელი იქნება!“,- აღნიშნავს ამ მეტად საინტერესო ინიციატივის ავტორი და მოსწავლეებს კიდევ არაერთ სიურპრიზს ჰპირდება.
იხილეთ ფოტოები:
