საქართველოს საპატრიარქოს წმიდა თამარ მეფის სახელობის სკოლა-გიმნაზიაში ბავშვთა დაცვის საერთაშორისო დღე გამორჩეულად აღინიშნა.
დირექციამ და პედაგოგებმა ბავშვებს დაუვიწყარი დღესასწაული აჩუქეს. სკოლა-გიმნაზიაში სახალისო ღონისძიება მოეწყო. საბავშვო მუსიკის თანხლებით მოსწავლეებმა გიმნაზიის ეზო ფერადი ცარცებით მოხატეს. ითამაშეს, იცეკვეს, ბავშვური ჟრიამულითა და მხიარულებით აივსო გარემო.
ასევე, გიმნაზიის ეზოში მოეწყო საჭადრაკო ტურნირი. მონაწილეობდნენ მე-2ა (კლასის ხელმძღვანელი თინათინ ბლიაძე) და მე-2ბ (კლასის ხელმძღვანელი ქეთევან მოსულიშვილი) კლასების მოსწავლეები.
თამაში მეტად საინტერესოდ წარიმართა. გამოვლინდნენ გამარჯვებულები. მოსწავლეთა ჭადრაკის პედაგოგი მაია ფიფია გახლავთ.
ბავშვთა დაცვის საერთაშორისო დღესთან დაკავშირებით, მე-5ბ კლასში გაიმართა ფილმის - „საოცრება“ ჩვენება. (კლასის ხელმძღვანელი მზიური კოჩალიძე, პედაგოგი მაია ფიფია).
მოსწავლეებმა ფილმს დიდი ინტერესით უყურეს. როგორც სკოლა-გიმნაზიაში გვეუბნებიან, ფილმის ჩვენების მიზანი იყო ემპათიისა და თანაგრძნობის ამაღლება.
იხილეთ ფოტოები:
